இலங்கையின் பொருளாதாரம்.

இலங்கை ஒரு இயற்கை வளம் மிகுந்த நாடு. அங்கு விளையும் பயிர்களில் தேயிலை மற்றும் காபிக் கொட்டை மிகவும் முக்கியமானது. அங்கு தேங்காய் மற்றும் இரப்பர் மரங்களும் பயிரிடப்படுகிறது. நல்ல கணிமங்களும் மிகுந்தது. சரி நாம் விஷயத்திற்கு வருவோம். இத்தனை வளம் இருந்தும் ஏன் அங்கு வளர்ச்சி இல்லை? மக்கள் ஏன் வெளி நாட்டிற்கு சென்று கஷ்டப்படுகிறார்கள்? உலகில் அதிகமான வீட்டு வேலை செய்யும் பெண்கள் விசா (ஹவுஸ் மேய்டு) இலங்கைக்குத்தான் வழங்கப்படுகிறது. அங்கு உள்ள பெண்கள் அனைவரும் நாட்டை விட்டு வெளியேருகிறார்கள். வளைகுடா நாடுகளில் ஹவுஸ் மேய்டு விசாவில் வரும் அவர்கள் படும் பாடு சொல்லித்தீராது.

இவை அனைத்திற்கும் காரணம் அங்கு நடந்து வரும் விடுதலைப் புலியினருக்கும் இலங்கை அரசாங்கத்திற்கும் நடக்கும் யுத்தம். அது எப்போது முடியும்? ஏன் இந்தியா இதில் தலையிட மறுக்கிறது? ஒரு காலத்தில் இந்திரா காந்தி பிரதமராக இருந்த போது வங்கதேசம் பாக்கிஸ்தான் இடையே நடந்த யுத்தத்தில் ‌தலையிட்டு அங்கு அமைதி நிலை உருவாக்கிக் கொடுத்தார். அதே போல் ஏன் இலங்கை யுத்தத்திலும் தலையிட்டு அங்கும் அமைதி நிலை உருவாக்கிக் கொடுக்கக் கூடாது?

இந்திய பிரதமர் நார்வே பிரதமரிடம் இலங்கையில் அமைதிப் பேச்சு‍ நடத்தக் கோரிக்கை விடுத்தாராம்! ஏன் இந்தியாவால் அமைதிப் பேச்சு வார்த்தை நடத்த இயலாதா? இந்தியாவின் மக்கட்தொகையிலும் சரி வளர்ச்சியிலும் சரி தமிழர்கள் ஒரு முக்கியப் பங்கு வகித்து வருகிறார்கள். அதே தமிழர்கள் தான் அங்கும் உள்ளனர். அத்தமிழர்களையாவது மனதில் கொண்டு இந்திய அரசு அப்பிரச்சனையில் தலையிட்டு ஒரு நல்ல சுமூகமான தீர்வு காணலாமே.

அப்பிரச்சனையில் இந்தியா தலையிட வேண்டும். இலங்கையில் வெகு விரைவில் அமைதி நிலைத் திரும்ப வேண்டும். இப்படிச் சொல்வதால் நான் எந்த ஒரு இயக்கத்தையும் சார்ந்தவன் என்று எண்ண வேண்டாம். நான் உலகத் தமிழர்களின் வளர்ச்சியில் ஆர்வம் கொண்ட ஒரு சாதாரண தமிழன் அவ்வளவுதான்..